أبداكي من وين

أبداكي من وين وفيني منك لسه حاجات من مخاوف ومن شجن أبداكي من وين وظني إنك فكره إعلان الحياه وإنتهاءات العوارض والمحن نفسي ألقاكي وأكون أناكلي من بعضك أوبعض من كلك بدن وداير أبقاكي وأوحد دوره الدم المقسمه بيني بينك والسحن أبداكي من وين أبداكي مني ولا منك أبتديكي محل محل من ياتو منفذ أدخلك وكل المنافذ فيكي سداها النحل من ياتو شارع أوصلك وكل الدروب معطونه لآخر الوحل أستبيح كل الحواجز وأدخلك من كلامك بدخلك من بين مسامك بدخلك ومن أي قاسم مشترك وشبهه تشابه ادخلك نتلاقي نهرين من تسامي وإشتها وأبداكي من حيث انتهت عندك خواتم الانتهاأبداكي وأخلع خيام عمري المضي وألقاكي مبسوطه اليدين مفتوحه أبواب الرضا أبداكي من لحظه أنستك نار وأخدت من قبسك هدي وأنا ضمه زاهد في الدروب المابتجبك ولابترجع ليا من تالاك صدي

في زمن الفجيعه المر والحزن اللي مامحدود
بندهلك متل مجنون يعجبو صدا الندا المردود
وكم ناداك غنايا تعالي أطلقي من حياتي قيود
وسأل كل الشوارع الصاني صوت غنواتي مافي ردود
وشكرا ياالوهبتي حياتي لي سجن الليالي السود
وعفوا ياحبيبه ولفنا زمنا لاصدق لاعهود
شديت لك وتر محزون وغنيتلك غناالمغلوب
غناالزول الوهبلك روحو فصلتها طرحه وتوب ومجازاه بالهجران وغالبو من المحبه يتوب
الاغنايا ميته قضيتو في زمن الغناالمجلوب
وميتين نحنا والأحلام زمناطال نزوح وحروب
محل ماتمشي قدامك مداين من خراب ووهم مناعتابالحزن مشلوله نايمي علي وساده الهم حتسلب منك العفه تنادمك بكؤوس السم
وأنا الواقف علي بابك كلي جراح وبنزف دم مشتت زي رماد أحلامي لايتلمه لابنتلم والأهداك جواز للهجره وهدب شوقي قبل خطاي وعارفك موطنه في صدف روحي ومسكنه في خلايا دماي
ولاعارفك دخلتي قبيل مع شهقه نفس جواي
ومنو القاليك حتطلعي مني اذاهجرت خطاك دنياي
حتطلعي كيف أناالحاسك توزعي دمي لي أعضاي مهما تكوني إنسانه يبقي خيالك الأنسان مذكرصباياالراح وعمري الواهبو ليك قربان
يآنسني الليالي السود ويمسح دمعه الأحزان يقاسمني الوله والشوق ونتفارق مع الآذان
وكان بدلك يجازيني وجزا الإحسان بقولواإحسان وأحنس روحي أنوم لحظات أسرقه من همومي ثواني
ألقاك شايله قلبي بي يديك تقطعي حتي شرياني
وأضحك وأبكي زي مجنون حتي الطيف يطل جاني
إنتي خربتي قلبي علي مرجيه بي قوه إيماني ولويشفيهو رب الكون أحبك بيه من تاني
وأنسي انك نسيتي إنسان نصيبو الغيره متل الناس مخلوق من تراب زيك بحبك موت رهيف حساس دمع أحزاني حتي رموشي حتي ولاسبيب الراس
واا آهه قليبي عليك ساعه يسألوني الناس
وخايف من كترأحزاني أورثا لي جناي ميراث واقف فوق رماد أحلامي في حالا رهيب وعصيب أبالغ في غناياعليك كان بيودي ولايجيب
غنا الزول القنع منك راجي شمس حياتو تغيب سمع صوتك يقولو خلاص ماليك في تاني نصيب شكراليك خلاص روحي لابتتوصي قلبي معاك
ذي ماسقاكي دمو قبيل عطشان أسقي لوهماك سكتي من بكا المسموع عشان مايفضحك في لقاك
فسحي في مداين الشوق أحفظي ذكره في جواك
تبقي الذكري ذي تاريخ مهما تكون حياتي وراك