أنحنا الفى عزنا جميعاب *** متحدين قوى مابننفصل أحزاب
اهلا ومرحبا بكم في منتديات الجميعاب

أنحنا الفى عزنا جميعاب *** متحدين قوى مابننفصل أحزاب

جميعاب نحن وأسال مننا الشافنا**دميرت الدنيا كم ضاقت لبع مقدافنا**نحن الفارس الغير بنحسب نتافنا**نحن مصرم الجن البلاوى بخافنا
 
الرئيسيةمكتبة الصورس .و .جبحـثالأعضاءالمجموعاتالتسجيلدخول
مرحبأً بكم مليــون في منتديــــات أبناء الجميعـــــاب

حدثنا ‏ ‏عبد الله بن مسلمة ‏ ‏عن ‏ ‏مالك ‏ ‏عن ‏ ‏أبي الزناد ‏ ‏عن ‏ ‏الأعرج ‏ ‏عن ‏ ‏أبي هريرة ‏‏أن رسول الله ‏ ‏صلى الله عليه وسلم ‏ ‏ذكر يوم الجمعة فقال ‏ ‏فيه ساعة لا يوافقها عبد مسلم وهو قائم ‏ ‏يصلي يسأل الله تعالى شيئا إلا أعطاه إياه وأشار بيده يقللها

من دعائه صلى الله عليه وسلم : " اللهم أصلح لى شأنى كله ، ولا تكلنى الى نفسى طرفة عين ، ولا الى أحد من خلقك " وكان يدعو : " يا مقلب القلوب ثبت قلبى على دينك

حكمة اليوم : كن ابن من شئت واكتسب أدباً *** يغنيك محمـوده عن النسـب

إن الفتى من يقول: ها أنـذا *** ليس الفتى من يقول: كان أبي


شاطر | 
 

 شعراء الجميعاب الشاعر جمال عباس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
وليد الشهينابى
مدير عام
مدير عام
avatar

ذكر عدد الرسائل : 567
العمر : 49
محل الاقامه : الخرطوم - اركويت
المدينة - القرية : الشهيناب & اركويت
تاريخ التسجيل : 23/12/2010

مُساهمةموضوع: شعراء الجميعاب الشاعر جمال عباس   الأربعاء مارس 09, 2011 9:26 pm

مسدار الرحيمة
المسدار لشاعر الجميعاب مالك ناصية الابداع جمال عباس وقد تم نظم المسدار بمناسبة زواج الاخ كريم الاعواد رحمةالله الطيب محمد موسى الجميعابى .



الاخوان حبابة الجات فى الرحيمة تواصل
فى طباع الملائكة فى بيناته مافى فواصل
ديل فى الله جد اخوان بعرفو الحاصل
وال ذى ديل قلال فى اليوم الحديثو نواصل

********

أخوانا يعرفو الواجب وجبرو الخاطر
أخوان فزعة الليل البجيب الخاتر
أخوان بتلحق وكت اصبح حديثه مشاتر
اخوان تسامح ؤفى العترة بتقول ياساتر
1
أخوانا مكوك بتلحق الشراده
وأخوانا سناجك ساعة الوجب فقاده
أخوان نجوم مابنحسب تعداده
والبحر الرحيمة كل يوم بجيبلو زياده

********
أخوان الفضل الرحمة المزرقن نيله
صفوة مجتمع الواحد يساوى قبيله
يانعمة الشباب الواعى نخوة جيله
مادام فى الله المحبة انشاءالله خطوة عديله

2
الرحمة ام وساعا جمع النقائض عيد
فى كل الظروف الناس تحضرو جديد
مبسوطين نبارك مافينا زول مابريد
الله اهنى فيها اللكل المكارم سيد

******
يوم عيد الشباب الفيه الخلق مجموعه
يوم خلط النفوس تصفى ونجود بدموعه
يوم الخوه يوم الصحبة يوم كل الكلف مرفوعه
فى دار اولاد جميع البالرجال مزروعه
3

******
يوم عيد الصحابى كان جازلنا التعبير
ذى صنف الرحيمة ماقسمولنا منو كتير
سمحا قلبو طيب بياسع الخليقة كبير
محل مايكون اشع يبتهج المحل بالخير

************

أب قلبا نضيف مابشيل ضغينة اعبى
اتيرب فى المحبة ويجاهد فى شتولة اربى
ابادر بالفضل عند ساعة نداها البى
ؤغير مصل الرحيمه كان طبوكى مابتنطبى
4
******
اال لله يعمل ويقاسم فى التعب والحمه
حاشاهو الرقيق مابنذكر فى مزمه
محبوب الجميع المانزل دون قمه
ياليت الشباب اتعادو ياخدو الهمه

***********

النيل أب زبد وكتين اهيج واتعكر
منو الغير رحمة المولى تروقو سكر
لقينا الباغة ماتقطف من غريق تتوكر
والله اعينك عليها الفى علاجها مشكر

5
*********

ياحليل القبيل لى بليلة العدس بتنادو
ياحليل القبيل فى الفزعة جاك جوادو
وينن القبيل فى الساحة مابتعادو
بدور ود الاعم اللى ضيفك يسبقك زادو

*********

بدور ودالاعم البعفى ؤيستر العوره
بدور ود الاعم المابتجيبو ضروره
بدور ال ذى زمان كل الخلق مسروره
بدور ال ذى زمان راى الكبير فى الشوره
6

*******

بدور الناس تراجع وتطرأ ليها كبار
بدور الزول يميز بدايه اليلاوى شرار
بدوز الناس جسم واحد علاه منار
وكان صفت النفوس شن جاب الكلام الحار

*******

مالن القبيل فى الحلقة كانو بذكرو
مااطرو القديم زمن الجدود افتكرو
الاتراضو الاسود أولاد الاعم مايمكرو
داخركم سند لليوم المحضر شكرو
7

******

كيف اولاد أعم اتلاقو فوق الحد
ؤكان طال العمر لحظات تمر بنعد
الحسس البسيط ماتربوه يرقد سد
ؤباللوم الخشن جسر الصلات بنهد

*********

عامر الدنيا زايل والخلق مفنية
طريق الحق طويل والزاملة حسن النية
الايام تمر ذى لحظة فى عصرية
والحسنات بتنمو وكت تبقى لنفوس مرضية
8
********
ماتبقى الارض اسباب شرور ؤمشاكل
ود خال ؤود أعم فى البسيطة يشاكل
انتشر الجفا دخانو اصبح عاكل
الله يكفينا شرها ام مهيرا ساكل

********

الما براجع حسابو واتذكر الواسوق
قريب بطروها تخرب ؤاتفرتق عمار السوق
ما تغرك تنسيك أللى الخيار بتسوق
زايلة ؤمابتدوم المشغول بها المخلوق
9

************
الماتيرب زرع حشة النجيلة المرا
عند عرض الحساب وسط الخلق بتعرى
الحسنات جهاد جاثيها مابنذرا
ناضر وجهه ناير مميزاه الغرا

********

ماتتعادو فى الباكر تكون مطوية
رب القدر ساها علشان تركبوها مطية
تصلوبا البعيد تقوى ؤسماحة نية
أقعدو اتفاكرو ما تعملوها قضية
10
*******

الله يقدها المادام عليهها عمار
والله ادينا خيره الماريحت حفار
سوو الرجعة بدرى اتزودو استغفار
ؤسوو المال وسيلة ماتمسكو الدينار

********

نحن المنفوخ نقدو والتقيان علينا نزلو
نحن الجار نراعيه ؤلى ضيفنا حقنا كلو
الصاحب نعزو ؤنقيتو ريقا حلو
ؤمابنديها ساهلة ؤبهينة راستا نبلو
11

************

أكان حصل القدر ؤفوقنا الاعادى ادلو
ماتقول الموت وجب كيف الزول يفوتو محلو
نحن اصول قريش الفى المقامات علو
والراس الكبير بحبالنا مابننزلو

********

أساس اوتادا نحن الأطمأنت نامت
عرسان يومة نحن الوقت نحاسه ؤعامت
وحوش وعرا مرقت فوق الهجائر حامت
صاحية وجاهز كان بقت القيامة القامت
12

*******

أكان مازغرد صقيرك ؤمكنك معاه اقوقى
مابترتاحى ياام كبدا خصيب ؤتروقى
كيف نديك دخيل يالنامية فيك عروقى
كان قتل الغرب مابأمل مقامو شروقى

******

بنقيس المخاضة ونصل الغريق اللجة
عشان تعكر تروق لازم تضوق الخجة
كان ابت الحلول مو بالكلام نحتجه
بالراجمات نبادر والخيل يقيفن قجه
13
**********

بدوركم يوم لقا ومتوشحين بدميكم
فى الغر المحجلة أب قلبا طرور موفيكن
ابوالصقير والحدى تابعة الخيول بالريكن
أكان ماجات بالغصب بالهينة مابتجيكن

******

أكان ماتعركت رواجم وتدفق الطايوق
النقعة أم معادن بهينة مابتروق
عمير الزول قصير ؤطرد الدنيا مو ملحوق
بندق النحاس ونسيها ليهن سوق
14
********

اليورانيم الجاب الرجال مسعوره
الموت فى العروض الدين بشوفو ضروره
مايلهو الشباب بالدسكو بعد الكوره
دبلو فى الشقائق واستعجلولو (عرس)الكوره

*******

لود مايير مابدوك اهلك ويبدلو زيك
ؤبيه فوقن قبيل بمشن مسادر ريك
وين تهدر فحولك وكتين اضيعو حيك
واتقاصر وساعك ؤيتقسمو الصهاينه عشيك
15
**********

بقول اولاد القبايل لشنو ساعية نحاسه
الحرت نصوطه ؤنلتف نعزم الساسه
نمرق الحد عديل وكت التلوب فوق راسه
مابندى ام سماح ؤفزعتنا تبقى اغاثة

**************

الجبناهن قران لزمام امورو ملكنا
شمو العافية قايلين بقطعوه سلكنا
نحف الراس أصم صوت العازة مابلككنا
خلوها الأرض سماها القبالة ملكنا
16

*********

نسيمك يام سماح جاب فى الدعاش أخبارك
بت خيرت الشيوخ عيب الصهاينه يبقو جوارك
مابنرضالك الضيم هسع بنوقد نارك
نتوشح دميك ؤضريرتنا تبقى غبارك

******

كنداليس ؤودعنان موهن بشارة خير
ذى حالة احتضار بعقب وصوله نكير
بقول الاتفاق منعة ؤرباطو كبير
والجفا والشتات فيهو الخسارة كتير
17
**********

ال ذى ناس عنان مابعز بنات العم
والدينو القرش للاسرة مابهتم
بقول الناس اخير حول الكبير تتلم
لليوم الصعب واللقمة ام ملاحا دم

******

دارفور علم دينا خلاوى الميس
والقرأن مشربن موساكن قراها ابليس
للمسكو فى المتين وتجنبو التدليس
ؤبالكرسى اتحصنو ماتجينا كنداليس
18
********

ديل الخربو العراق ؤصاطو قلب الامه
ؤفى علب الدواء ديل صدرولنا الحمه
ديل قصدونا فى دينا دايرين يكتلو الهمه
ياليت الشباب يوعى الدرس يهتمه

*******
توحيد الصفوف داير صفاوة النية
ؤحرب الجار كعب لازم تقعدو عشية
ضراع ود ال أعم ليه حوبة قوية
والبنفر مراحو بتعب ؤسيلو جنية
19
********

نتعاتب خفيف ؤنرجع نكون اخوان
ونتقالد فروع فى ساعة الاحزان
بالجنس الاصل رابطني جدى زمان
وين اولاد جميع الشامة فى السودان

********

رسالة لى حماد الرجاله أخونه
كيف ينسى التلوب النعرتن مضمونه
تور عنزة الاصم بتفشها المغبونة
والقمة ام وعر أبدا مابتنزل دونه
20
*********

حماد الرجاله فارسا كريم ؤحنون
بعد نايبو البشق فى هامتو ليهو قرون
ياالسم النقوع والعسل البالبن مشنون
فرسك خلى جاهز ؤحضر المسنون

*********

صقار اولاد دشين فوقنا بتظلل غيمه
بفروعه الاصول الرجاله فيها قديمه
كم فوقك تلوب منعه ؤقلوبه حميمه
فيك ود خالد سعيد أب نائب البشيل فوق شيمه
21

*********

أحبابك ياالرحيمه كتار
فى الساحه التلوب فى دارك الاخيار
فى الوعر الدعت فى القلعه كم صقار


المسدار لشاعر الجميعاب مالك ناصية الابداع جمال عباس وقد تم نظم المسدار بمناسبة زواج الاخ كريم الاعواد رحمةالله الطيب


عدل سابقا من قبل وليد الشهينابى في السبت نوفمبر 26, 2011 3:34 am عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منتصر (ودشاهين الجميعابي)
مدير عام (أول)
مدير عام (أول)
avatar

ذكر عدد الرسائل : 580
العمر : 37
محل الاقامه : الشهيناب
المدينة - القرية : الشهيناب
تاريخ التسجيل : 01/04/2009

مُساهمةموضوع: رد: شعراء الجميعاب الشاعر جمال عباس   السبت مارس 12, 2011 5:59 am

لا فض فوك الوليد ابو البراء هذا هو ماكنا نفتقده في هذا المنتدي توثيق مثل هذه الروائع لافذاذ القبيلة من الاستاذ صاحب اللسان الطري والعقل النجيب والكلمة القوية الاستاذ جمال عباس في الرجل الطيب ودالطيب الرحيمة ذلك الاسد الهصور والجبل الشامخ ذلك الملاك الذي لوظللنا نكتب عنه لجفت الاحبار دون ان تفيه القليل مما يستحق لك الود اخي الوليد ولكم الود الارباب رحمة الله الطيب والشاعر جمال عباس

_________________
كن صديقا" للحياة.. واجعل الايمان راية
وامضي حرا" في ثبات .. انها كل الحكاية
وابتسم للدهر دوما" أن يكن حرا" ومرا"
ولتقل أن ذقت هما" أن بعد العسر يسرا..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وليد الشهينابى
مدير عام
مدير عام
avatar

ذكر عدد الرسائل : 567
العمر : 49
محل الاقامه : الخرطوم - اركويت
المدينة - القرية : الشهيناب & اركويت
تاريخ التسجيل : 23/12/2010

مُساهمةموضوع: رد: شعراء الجميعاب الشاعر جمال عباس   الأحد مارس 13, 2011 5:10 pm

الشكر لك اخى ابن الباشمهندس ودسعد فهذا من اصلك الطيب ومعدنك النفيس
ونرجو منك الاتبخل علينا باشعارعمك صاحب اللسان الطروب احمد على سعد

_________________
((ربي لاتزرني فردا وانت خير الوارثين

(( رب اجعلنى مقيم الصلاة ومن ذريتى ربنا وتقبل دعاء ))
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ميزو

avatar

ذكر عدد الرسائل : 37
العمر : 30
محل الاقامه : ام كتى
المدينة - القرية : ام كتى
تاريخ التسجيل : 07/08/2010

مُساهمةموضوع: رد: شعراء الجميعاب الشاعر جمال عباس   الخميس أبريل 07, 2011 11:42 pm


تسلم يا الوليد هذا هو جمال الكلمة وجمال لما تكون منظومة درر فى معادن اصيله وشاعر اصيل نرجو المزيد وانت اهل لذلك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وليد الشهينابى
مدير عام
مدير عام
avatar

ذكر عدد الرسائل : 567
العمر : 49
محل الاقامه : الخرطوم - اركويت
المدينة - القرية : الشهيناب & اركويت
تاريخ التسجيل : 23/12/2010

مُساهمةموضوع: رد: شعراء الجميعاب الشاعر جمال عباس   الإثنين أبريل 18, 2011 5:05 pm

تشكر ياميزو على الاطلاع والمرور ونحن نعلم ان منطقتنا تذخر بفحول الشعراء ولكنهم مظلومين اعلاميا
لذا نطلب من الجميع بتوثق مايقع على ايديهم من شعر على المنتدى

_________________
((ربي لاتزرني فردا وانت خير الوارثين

(( رب اجعلنى مقيم الصلاة ومن ذريتى ربنا وتقبل دعاء ))
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شعراء الجميعاب الشاعر جمال عباس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أنحنا الفى عزنا جميعاب *** متحدين قوى مابننفصل أحزاب :: المنتدى الادبي :: منتدى شعراء الجميعاب-
انتقل الى: