أنحنا الفى عزنا جميعاب *** متحدين قوى مابننفصل أحزاب
اهلا ومرحبا بكم في منتديات الجميعاب

أنحنا الفى عزنا جميعاب *** متحدين قوى مابننفصل أحزاب

جميعاب نحن وأسال مننا الشافنا**دميرت الدنيا كم ضاقت لبع مقدافنا**نحن الفارس الغير بنحسب نتافنا**نحن مصرم الجن البلاوى بخافنا
 
الرئيسيةمكتبة الصورس .و .جبحـثالأعضاءالمجموعاتالتسجيلدخول
مرحبأً بكم مليــون في منتديــــات أبناء الجميعـــــاب

حدثنا ‏ ‏عبد الله بن مسلمة ‏ ‏عن ‏ ‏مالك ‏ ‏عن ‏ ‏أبي الزناد ‏ ‏عن ‏ ‏الأعرج ‏ ‏عن ‏ ‏أبي هريرة ‏‏أن رسول الله ‏ ‏صلى الله عليه وسلم ‏ ‏ذكر يوم الجمعة فقال ‏ ‏فيه ساعة لا يوافقها عبد مسلم وهو قائم ‏ ‏يصلي يسأل الله تعالى شيئا إلا أعطاه إياه وأشار بيده يقللها

من دعائه صلى الله عليه وسلم : " اللهم أصلح لى شأنى كله ، ولا تكلنى الى نفسى طرفة عين ، ولا الى أحد من خلقك " وكان يدعو : " يا مقلب القلوب ثبت قلبى على دينك

حكمة اليوم : كن ابن من شئت واكتسب أدباً *** يغنيك محمـوده عن النسـب

إن الفتى من يقول: ها أنـذا *** ليس الفتى من يقول: كان أبي


شاطر | 
 

 الشاعر/صلاح الزبير احمد الزبير ودمسيخ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
منتصر (ودشاهين الجميعابي)
مدير عام (أول)
مدير عام (أول)
avatar

ذكر عدد الرسائل : 580
العمر : 36
محل الاقامه : الشهيناب
المدينة - القرية : الشهيناب
تاريخ التسجيل : 01/04/2009

مُساهمةموضوع: الشاعر/صلاح الزبير احمد الزبير ودمسيخ   الأربعاء يناير 11, 2012 8:54 pm

[size=18]الاخوة اعضاء منتدي الجميعاب تحية طيبة لكم جميعا وبدون فرز
وندخل علي باب جديد من ابواب الشعر والشعراء في منطقة الجميعاب الا وهو الاخ صلاح الزبير احمد الزبير الشهير بي ود مسيخ في صفحات الفيس بوك وهو رجل متبحر الشعر.. الشعر الحر والحديث والنمة والرباعيات ولديه الكثير من القصائد والمسادير والرباعيات .. علي صفحات الفيس بوك وايضا مجادعات مع بعض افذاذ الرباعيات الحديثة ك الهمباتي الاغبش و محمود ودالخاوية مهدي البطانة وبشري ابراهيم - وسراقة التجاني وكثيرون من جبابرة الشعر والدوبيت في الفيس الذين استخدموا الفيس لكي لاتسقط راية الدوبيت والنمة والشاشاي في العولمة وادخلوا لونيات و نماذج جديدة من المجادعات الشعرية وايضا لهم حلقات مسجلة في الراديو التلفزيون وتلفزيون النيل الازرق ولهم حلقات مسجلة في راديو اف اة 104 الرياضية من كل احد التاسعة مساءا" وايضا لهم حلقات في برنامج دندنات للشاعر احمد المامور والملحن احمد المك موجودة في منتديات اغاني سودانية لاحمد المامور.. اقتبس القليل منها ومن الروابط التي تحفظ بها تلك الاشعار..

_________________
كن صديقا" للحياة.. واجعل الايمان راية
وامضي حرا" في ثبات .. انها كل الحكاية
وابتسم للدهر دوما" أن يكن حرا" ومرا"
ولتقل أن ذقت هما" أن بعد العسر يسرا..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منتصر (ودشاهين الجميعابي)
مدير عام (أول)
مدير عام (أول)
avatar

ذكر عدد الرسائل : 580
العمر : 36
محل الاقامه : الشهيناب
المدينة - القرية : الشهيناب
تاريخ التسجيل : 01/04/2009

مُساهمةموضوع: رد: الشاعر/صلاح الزبير احمد الزبير ودمسيخ   الأربعاء يناير 11, 2012 9:02 pm

دي رابط حلقة استماعية من برامج دندنات الحلقة 103 مع الهمباتي وود مسيخ


http://www.sudanesesongs.net/index.php?showtopic=105506

_________________
كن صديقا" للحياة.. واجعل الايمان راية
وامضي حرا" في ثبات .. انها كل الحكاية
وابتسم للدهر دوما" أن يكن حرا" ومرا"
ولتقل أن ذقت هما" أن بعد العسر يسرا..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منتصر (ودشاهين الجميعابي)
مدير عام (أول)
مدير عام (أول)
avatar

ذكر عدد الرسائل : 580
العمر : 36
محل الاقامه : الشهيناب
المدينة - القرية : الشهيناب
تاريخ التسجيل : 01/04/2009

مُساهمةموضوع: رد: الشاعر/صلاح الزبير احمد الزبير ودمسيخ   الأربعاء يناير 11, 2012 9:04 pm

دي رابط حلقة استماعية من برامج دندنات الحلقة 103 مع الهمباتي وود مسيخ


http://www.sudanesesongs.net/index.php?showtopic=105506

_________________
كن صديقا" للحياة.. واجعل الايمان راية
وامضي حرا" في ثبات .. انها كل الحكاية
وابتسم للدهر دوما" أن يكن حرا" ومرا"
ولتقل أن ذقت هما" أن بعد العسر يسرا..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منتصر (ودشاهين الجميعابي)
مدير عام (أول)
مدير عام (أول)
avatar

ذكر عدد الرسائل : 580
العمر : 36
محل الاقامه : الشهيناب
المدينة - القرية : الشهيناب
تاريخ التسجيل : 01/04/2009

مُساهمةموضوع: رد: الشاعر/صلاح الزبير احمد الزبير ودمسيخ   الأربعاء يناير 11, 2012 9:04 pm

لونية مختلفة من طعم الدوبيت - ود مسيخ والهمباتي الاغبش ( سفر عجيب)
.من الهمباتي الأغبش في 11 يناير، 2012‏ في 01:42 صباحاً‏‏.الهمباتي الأغبش

وفي بقجة قلب عبيت دفستا هدومي

لي سفرة هواي اشواقي دايرة تقومي

تذكرة الحنين مقطوعة بدية يومي

قايم من دغش ياعيني احسن نومي





ود مسيخ

لي سفرة ودادك جبت شنطة ريدي

شاططني الحنين لي الجارية جوة وريدي

وكالات الوصال قبلت صكوك توريدي

شالت مني إيميل الظنون وبريدي





الهمباتي الأغبش

من دغش الحنين وعين السواد ماشافت

قم شايل الشجون مخلوع سريع اتخافت

جزلان لول هموم تابناهو ايدي اتلافت

لي المركوب صبر كرعيا ما تتحافت





ود مسيخ

رصرصت المشاعر في حقيبة أحلامي

جيبه المن تحت جدعت فيهو أقلامي

دفاتر الانتظار ليهن مكمسد ورامي

جايك ياام دلالأ فوق ندايدك سامي





الهمباتي الأغبش

سفر الشوق علي مكتوب عديل امشيلو

ومن باقي الوداد ستفتا بقجة بهيلو

خطابات الغرام الكان حزنا تزليلو

شلتها بي الحنين معاها جب منديلو





ود مسيخ

بعد ستفت لي ريدك دخل حمامي

حتيت مني باقي الذكريات واوهامي

البدلة ام ذراير والقميص قدامي

ونص الفرقة داك كربت ليهو حزامي





الهمباتي الأغبش

بعد ستفت لي ريدك بقج ختيتا

اتوضيت تمام صلاتي ديك مانسيتا

تبروقة الوصال زكري ووئام لميتا

من باقي الخيال سيرة البعاد جليتا





ود مسيخ

لملمت ألاماني الفي السرير مشرورة

راجعت العناد وإتنقط الماسورة

تلفزيون جفاك الباثي صدك كورة

طفيتو وفقد بي سفري صوتو وصورة





الهمباتي الأغبش

قفلت الهواجس الفي الحويش مذكورة

باب تكل البعاد فيهو الجخانين بورة

زير الصي يباس وحيفتو ديك مكسورة

وبي حبل القنع رابط السرير ساجورة





ود مسيخ

بعد تحصيني من العين وكل عوارض

إتوكل علي النزل صلاتو وفارض

بتاع أمجاد وقف عن باب شقاي متعارض

قالي النية وين قتلو ام جمالأ قارض





الهمباتي الأغبش

من جردل عذاب شطفتا لي كريعاتي

دابغ زيت الصبر ماسح كمان شنباتي

في شوال قنع لميت هناك نعلاتي

وباب شارع البعاد جنزرتو بي طبلاتي





ود مسيخ

في جواز هواك حاشر تذاكر حبي

تاشيرة غرامك من تساهيل ربي

كرت الالفة من دار السلاح الطبي

وبي أوكي الحنين جيب الحقيقه معبي





الهمباتي الأغبش

فوق صحبة بعاد جاري العزيز متحزم

صناعياً قدير مفتاح عجل متنظم

فوق موتر امل رادفني تب متلزم

لي شعبي الرحيل وداني ساك متأزم





ود مسيخ

الصالة ألمكيفه بي وعد لقيتنا

موايكأ في الحيط لي دخول هواك ندهتنا

دموع عزالنا عند ساعة الوداع بلتنا

فوق سير الوصال ختينا لي شنطتنا





الهمباتي الأغبش

في الشعبي البعيد نيسان رحيلي لقيتو

سفريات السلام الكشكو اول جيتو

شاي لبن فراق انا جاغمو واتدفيتو

ونيسان الرجوع شحنوهو تمتمو زيتو





ود مسيخ

طيران الخليج البي النظام عارفنو

أعلن كبتنو الاقلاع وقدرة فنو

فوق كرسي الامل قاش الامان رابطنو

وشباك الظنون من البعاد قافلنو





الهمباتي الأغبش

كمسنجي الفراق لي البقجة شالا وكرب

وفي كرسي الامل شباكو ناصية مزرب

كيس تمباك غليد وعلبة سجار اتسرب

ونوكيا الجن معاي كيباتو ما بتتعرب





ود مسيخ

عمل رن ويهو سواقنا ومقبل راجع

لي امبيرات وصالك كل مرة براجع

تيك أوف الحنين الجابلو في مواجع

طار من الفرق في جو ودادك ناجع





الهمباتي الأغبش

نقر بوري الرحيل سواقنا تب متبلم

وكمساري الرجوع هميم يوصي يكلم

منفستو الشراد شال الاسامي معلم

قفل باب النجوع لي زول ختر متالم

_________________
كن صديقا" للحياة.. واجعل الايمان راية
وامضي حرا" في ثبات .. انها كل الحكاية
وابتسم للدهر دوما" أن يكن حرا" ومرا"
ولتقل أن ذقت هما" أن بعد العسر يسرا..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منتصر (ودشاهين الجميعابي)
مدير عام (أول)
مدير عام (أول)
avatar

ذكر عدد الرسائل : 580
العمر : 36
محل الاقامه : الشهيناب
المدينة - القرية : الشهيناب
تاريخ التسجيل : 01/04/2009

مُساهمةموضوع: رد: الشاعر/صلاح الزبير احمد الزبير ودمسيخ   الأربعاء يناير 11, 2012 9:07 pm

مجادعة ود مسيخ والهمباتي وبشري قريش
.من الهمباتي الأغبش في 8 يناير، 2012‏ في 02:33 مساءً‏‏.الهمباتي الأغبش

يا الليلة الخيال فارد عليا جناحو

بردب في حشاي طابل عقب مفتاحو

عن ساعة الغميد القاهو مالي براحو

وان وقل نظر بين العيون نتاحو





بشرى قريش

في داب النميم الليلة بانو و لاحو

أسياد النضم بارزين هناك في ساحو

شيطان الشعر باينلي فكو صراحو

فارقنا المنام ناوين نلاقي صباحو



الهمباتي الأغبش

ابشر يا التلب دونك نمايم طاحو

في تاية غناك اتلمو كل صلاحو

علعيل الوزن الغير دناك كتاحو

ادرج لي الحروف خلي الشجون يرتاحو



ود مسيخ

فرسان الحديث البي النميم إنداحو

جو إكابروني في الجرح النجض ضباحو

زولأ خالقو سرفو بي الجمال لا راحو

امسي الليلة عاز حلف البتمو صفاحو



بشرى قريش

لملم لي العجم وازنين حروف وفصاحو

مجنون الشعر خلوهو ، جيبو نصاحو

إن إنطبق السما ، كان الجوامد صاحو

ماني مبارح الميدان إما الدييك صاحو



الهمباتي الأغبش

زمنا مو قريب فاقد المسيخ صداحو

تراهو اليوم نزل قلب النميم اصفاحو

قول لي يا رفيق فوق اللذيذ مقداحو

اللما الجمال وخلي العقاب قماحو



ود مسيخ

الامياقو كم كاتلات قلوب لماحو

صابني الليلة يا الاخوان بواقي رماحو

المانعني ما كبت الغرام وجماحو

سئات البنات عن باب محاسنو إتماحو



الهمباتي الأغبش

الدرويشي كاتبو علي القلب في الواحو

نوبة ريدو داقة وباقي من مداحو

لو كان لي غفر دفق عليا سماحو

ماكان السهاد فاكك معاي اشباحو



ود مسيخ

زولي الزيو حير في الوصف شراحو

طبيب آلامأ أعيت في العلم جراحو

الخلاني ابكي علي السنين الراحو

ديسأ أعيأ بي خصلو الغزار سراحو



الهمباتي الأغبش

من وشو المنور طارو الخُصل وانزاحو

كاسيهو النضار حور العيون ملفاحو

الخلاني ممكون في بعاد اتراحو

مادد ليهو ايدي وليا مادي سلاحو



الهمباتي الأغبش

ريدا في القلب زايد عليا جماحو

كل ما اقول يحن يفرش علي افراحو

وافي معاك قلب دافع سنينو الراحو

راجيك بي الامل يحصد معاك تفاحو



الهمباتي الأغبش

كامدني السهر زايد عليا الحاحو

ها الليل تب كمل يامن ندهلو فلاحو

التاكي العشوق وجزّا القلب ضباحو

ريدو علي حشاي تب ما انعرف نقّاحو

_________________
كن صديقا" للحياة.. واجعل الايمان راية
وامضي حرا" في ثبات .. انها كل الحكاية
وابتسم للدهر دوما" أن يكن حرا" ومرا"
ولتقل أن ذقت هما" أن بعد العسر يسرا..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منتصر (ودشاهين الجميعابي)
مدير عام (أول)
مدير عام (أول)
avatar

ذكر عدد الرسائل : 580
العمر : 36
محل الاقامه : الشهيناب
المدينة - القرية : الشهيناب
تاريخ التسجيل : 01/04/2009

مُساهمةموضوع: رد: الشاعر/صلاح الزبير احمد الزبير ودمسيخ   الأربعاء يناير 11, 2012 9:10 pm

مجادعة الهمـــــــــــــــــــــــباتي الاغبش - وود مســـــــــــــــــــــيخ
.من الهمباتي الأغبش في 10 يناير، 2012‏ في 12:55 صباحاً‏‏.الهمباتي الأغبش

سهر الليل علي اشواقا لفح وقادا

سببو الديسو باهل وعن رقيبتو قلادا

دام الخيل تجكلب والبفوز حمادا

اصبر يا قلب باقي المحن منقادا





ود مسيخ

بشوف نمك على سككأ اذتنى اتماده

وطرانى ام فراقأ كترتلو سماده

شن جابرها لى عشق الجيبو رماده

داب قدامه باجورى وجلنت وارماده





الهمباتي الأغبش

هبش قلبي فتفات الحروق ورمادو

لقي انقاض حسايس بالسماح انبادو

لقيت حالي النميم طاير قبال هبادو

اصبح قلبي مغمول في الوحيح مرقادو





ود مسيخ

لهيبو البقه في واجب على اخمادو

وسيفأ شاهرو لي النايبات لزم اغمادو

بركة الليهو طايعات الوحوش وجمادو

ابرد من حرور جسمى الغلب كمادو





الهمباتي الأغبش

كم طافر خيال هن شبا لي تراهو

جرحي الكان مضومر صدا تاب خاراهو

زولا رامي طوبتك هن مشيت تطراهو

تبقي اياك هشوش والهينة فيك غاراهو





ود مسيخ

كل ماافك زفير بشهق معاى ذكراهو

بخلص لى غرامأ اصبحت ناكراهو

النم القبيل بيناتنا يوووت حاكراهو

ببكيها آلبهيج ولا ابقى مى فاكراهو





الهمباتي الأغبش

خيالي يسلسل الزكري وعقب يازاني

صورا شالعة قلبي وبالنويح ناكزاني

الريد القبيل ودرتو بي حززاني

ببكي عليهو نم عقبا بجيب اوزاني





ود مسيخ

اللي ريدو بى حالى الحديث وزانى

طلعنى السحاب فرحة وعقب لزانى

كلامأ قالو كل زولأ معاك عزانى

من كتر المخاديع جمله مى فارزانى







الهمباتي الأغبش

مالك شوقي طافر وها الطعوم ضايكا

غرغر جوفي قرضايتن وحيح لايكا

الجاهلة ام نفورا والخداع حايكا

طارد ريدا كان روحي السهاد شايكا





ود مسيخ

روحى اتعقلت علا الحنين سايكا

وبركز لى مغايسو البى غفاى طايكا

دروبأ ساساقت فيها وكتر عايكا

خلت قلبى احظر صفحته ولايكا





الهمباتي الأغبش

قلبي مداري حزنو وللخلوق متراكز

نعمنو الغميس من ريدو ديمة يناكز

الطيف الفضل جوايا ديمة يلاكز

جرجر بصري فوق عد النجوم متعاكز





ود مسيخ

اطيب عطرو من ريحة الزهور وفواكز

كيف بناسالى عقدأ بى المحالب راكز

داب مديتلو قلبى وليهو اصبح واكز

ما بتشفينى بخرة ولا بتتطبنى مراكز





الهمباتي الأغبش

حسسا فيا طافر يا رفيق لجني

فوق صدو ونفورو عليا صار متجني

كم ضحكات عيونو وبسمتو بحجني

بخرات الفقير من ريدو ما نجني





ود مسيخ

نواعسأ ليهو من دون الخلوق ناجنى

دخل ولقيتو بى حالى الحديث ساجنى

العايسنى فى صاج فرقتو وعاجنى

راد عظماء المجالس وغير سبب كاجنى





الهمباتي الأغبش

هواجسا من دماي اصبحت يوت نقايا

كم سارح خيال عكس النجوم شقابا

القلب القبيل بي الريد سعد بقابا

هسع في الوحايح بالفراق اشقابا





ود مسيخ

حلاته وكت تجيك بى التوب ورابطه نقابه

تخليك ساهى درويشأ عنا التقابه

القلب القبيل لى ريده ما ايتقابه

استاهل لهيب ناره الخليجى ثقابه

_________________
كن صديقا" للحياة.. واجعل الايمان راية
وامضي حرا" في ثبات .. انها كل الحكاية
وابتسم للدهر دوما" أن يكن حرا" ومرا"
ولتقل أن ذقت هما" أن بعد العسر يسرا..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
منتصر (ودشاهين الجميعابي)
مدير عام (أول)
مدير عام (أول)
avatar

ذكر عدد الرسائل : 580
العمر : 36
محل الاقامه : الشهيناب
المدينة - القرية : الشهيناب
تاريخ التسجيل : 01/04/2009

مُساهمةموضوع: رد: الشاعر/صلاح الزبير احمد الزبير ودمسيخ   الأربعاء يناير 11, 2012 9:27 pm

وهذه الابيات في الفخر لقبيلة الجميعاب وابيات ملانة تب

انحنا اسيادا وكت الناس تدنقر روسا
وانحنا مكوجنت غيرنا ان قست لو نعوسا
نحناالحارة كان عدمت جزم بنكوسا
ونحنا ان جانا فرعون بلقا نصنا موسى

جميعاب نحن واسأل مننا الما شافنا
دميرة الدنيا كم ضاقت لبع مقدافنا
نحن الفارس الغير بنحسب نتافنا
نحن مصرم الجن البلاوى بخافنا

_________________
كن صديقا" للحياة.. واجعل الايمان راية
وامضي حرا" في ثبات .. انها كل الحكاية
وابتسم للدهر دوما" أن يكن حرا" ومرا"
ولتقل أن ذقت هما" أن بعد العسر يسرا..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اباذر عبد المطلب محمد
Admin
Admin
avatar

ذكر عدد الرسائل : 729
العمر : 34
محل الاقامه : السودان
المدينة - القرية : الوادي الاخضر شمال امدرمان
تاريخ التسجيل : 27/08/2008

مُساهمةموضوع: رد: الشاعر/صلاح الزبير احمد الزبير ودمسيخ   الخميس يناير 12, 2012 1:32 pm

تسلم يا باش مهندس على هذا الطرح والتوثيق الجيد لشعراء المنطقة
تقبل تحياتي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eljme3ab.yoo7.com
وليد الشهينابى
مدير عام
مدير عام
avatar

ذكر عدد الرسائل : 567
العمر : 49
محل الاقامه : الخرطوم - اركويت
المدينة - القرية : الشهيناب & اركويت
تاريخ التسجيل : 23/12/2010

مُساهمةموضوع: رد: الشاعر/صلاح الزبير احمد الزبير ودمسيخ   الثلاثاء يناير 31, 2012 7:14 pm

مشكور منتصر على هذا التوثيق ودى دائماً المحرية فيك
ويسلم فمك الاخ الغالى صلاح الزبير وانت لبق حديث من شبيت
نرجوا منك اخى صلاح المشاركة والمساهمة فى هذا المنتدى وانت كنت دوماً مساهم ومشارك فى روابط الطلاب والروابط الاجتماعية .

_________________
((ربي لاتزرني فردا وانت خير الوارثين

(( رب اجعلنى مقيم الصلاة ومن ذريتى ربنا وتقبل دعاء ))
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الفياض أحمد على إدريس

avatar

ذكر عدد الرسائل : 154
العمر : 44
محل الاقامه : امدرمان ودالبخيت المناره مربع 2منزل92
المدينة - القرية : الوادي الاخضر
تاريخ التسجيل : 24/11/2009

مُساهمةموضوع: رد: الشاعر/صلاح الزبير احمد الزبير ودمسيخ   الأحد فبراير 05, 2012 8:36 pm

لك التحية البشمهندس منتصر على هذه الابداعات والتحية للشاعر الاخ صلاح الزبير شاعر الجميعاب
ومزيدا من الاشراقات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عوض الكريم محمد

avatar

ذكر عدد الرسائل : 233
العمر : 57
محل الاقامه : الرياض
المدينة - القرية : الوادي الأخضر شمال ا م درمان - الفتيحاب مربع 8
تاريخ التسجيل : 17/02/2010

مُساهمةموضوع: رد: الشاعر/صلاح الزبير احمد الزبير ودمسيخ   الأربعاء فبراير 15, 2012 5:36 pm

ابداع ثم ابداع ثم ابداع ولكم التحية لكن رأي أن تجمع هذه الأشعار في كتيب ولو يساهم الجميع في ذلك لحفظ هذه الكنوز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشاعر/صلاح الزبير احمد الزبير ودمسيخ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أنحنا الفى عزنا جميعاب *** متحدين قوى مابننفصل أحزاب :: المنتدى الادبي :: منتدى شعراء الجميعاب-
انتقل الى: