اباذر عبد المطلب محمد Admin
عدد الرسائل : 729 العمر : 40 محل الاقامه : السودان المدينة - القرية : الوادي الاخضر شمال امدرمان تاريخ التسجيل : 27/08/2008
| موضوع: لوكنت .. سودانيا أو مصرياً .. بقلم: أسماء الحسيني (رايكم شنو) الخميس أبريل 22, 2010 2:47 pm | |
| غياب النقد الذاتي في مجتمعاتنا أو عدم قبوله, من أكبر العوامل التي تؤدي إلى الهزيمة والتخلف السياسي والاجتماعي والاقتصادي والثقافي، وإلى العجز عن التطور. وقد وصلتني رسالة من أحد الأصدقاء السودانيين في كندا توجه نقداً للسلوك الاجتماعي للسودانيين بأسلوب خفيف الظل، وتطرح تساؤلاً: ((تخيل كيف يكون الحال لو ما كنت سوداني؟ وتُجيب الرسالة التي يبدو أنها محصلة إجابات أشخاص متعددين: كنت ح تلتزم بالمواعيد - كنت ح تدفع فاتورة المحامي أو الطبيب قريبك - كنت قاضيت المهندس اللي خرب ليك بيتك - كنت عملت مشروعك بنفسك دون محاكاة - كنت بدأت دوامك في الموعد المحدد - كنت حتنطق حرف الـ(ق) و الـ(غ) كما ينبغي, وما كنت حا تقول للتسعة (تزعة) كنت بطلت تسف ساعوط - كنت حتلبس شيك جداً عند خروجك أمام التلفاز وأجهزة الإعلام. ولو ما كنت سوداني كنت عرفت أن بالدقيقة 60 ثانية وبالساعة 60 دقيقة وباليوم 24 ساعة، وكنت خططتَ لحياتك ومستقبلك، و كنت اخترت المساق التعليمي بنفسك ودرست الجامعة بالكلية اللي تناسب مقدراتك ومواهبك ورغباتك المستقبلية, مش عشان ود جيرانكم اختار الكلية دي بالذات، كنت ح تتصل بالتلفون قبل زيارة أي أحد في منزله بدري شويه, مش وإنت في خشم الباب، ده طبعاً لو اتصلت وما جيت داخل زي قدر الله بدون حتى ما تدق الباب.. وكنت ح تنهر أولادك لما يبهدلوا ليهم بيت زول ويعيثوا فيهو فساد, ورافع لي ناس البيت الضغط والسكري. كنت ح تتردد في زيارة شخص ما أنصاص الليالي، كنت ترددت في إرسال حاجات وزنها خمسة كيلو وما فوق مع كل من تسمع بأنه ماشي السودان، كنت رجعت القروش الاستلفتها في وقتها, أو في الحقيقة رجعتها و بس. كنت امتنعت عن زيارة أحدهم في مكتبه, للونسه أو مناقشة أمور لا صله لها بالعمل, كنت خجلت من عدد المسكولات التي تعملها, مش كمان تقول (شنو يا فردة), خمسه مسكولات ما ترد عليها؟ كنت استمتعت بإجازتك وبي وقتك وحياتك بدل كل واحد يديك الفتوى الفي دماغو.. لو ما كنت سوداني كنت حا تكون سيد نفسك، كنت ارتحت من المجاملات الأتلفت أعصابك، كنت اهتميت بي أولادك أكتر من الضيوف يا زول، وكنت استمتعت بي ماهيتك براك). وقد ذكرني هذا النقد الذاتي الذي يمارسه السودانيون بنقد المصريين لأنفسهم في أقوال أصبح بعضها شائعاً يقول: المصري هو اللي ممكن يعدي الثلاثين، ولسه عايش مع أمه وأبوه وماعندهومش مشكلة، هو اللي يشخص المرض ويوصفلك الدوا، وبيفهم في النقاشة والكهرباء، والسياسة والكورة، وتصليح العربيات والطبيخ، وهو أبيض يا ورد، وهو اللي بيحط الريموت كنترول في كيس بلاستيك كعادة فرعونية، ويقف يتكلم على الباب نص ساعة بعد انتهاء الزيارة والسلام، ولما تفتح نملية المطبخ هتلاقي عنده عشرين برطمان بتاع مربى فاضي، وما زال مصر على جمع المزيد، وهو اللي ييجي بعد ميعاده بساعتين ويفتكر إن ده عادي، وهو اللي لسه عنده إصرار إنو يتكلم بصوت عالي في التليفون لما تكون المكالمة دولية عشان التاني يسمعو، وهو اللي بيعتبر نفسو أحسن واحد في الشرا, وبعد ساعة من الفصال يكتشف إن الحاجة في المحل اللي جنبو أرخص من غير فصال، هو اللي بيكون عندو شواية لزوم الرحلات وأقصى حاجة يستخدمها مرة واحدة في العيد، هو اللي بشتري قبل رمضان مواد استهلا كية موجودة عنده لم يستخدمها البيت، هو اللي بيفرش ملاية سرير على الأنتريه عشان يحافظ عليه لما يجي الضيوف, ولما يجي الضيوف ما يشلهاش، هو اللي بيكون مشغول طول العزومة في أي مطعم بقيمة البقشيش اللي هيدفعو هيكون ربع جنيه ولا نص جنيه، ومع ذلك يتخانق بحرارة عشان يدفع الحساب. alshareefa asmaa [ \n alshareefaasmaa224@hotmail.com هذا البريد الالكتروني محمى من المتطفلين , يجب عليك تفعيل الجافا سكر يبت لرؤيته ] نقلا عن صحيفة "الحقيقة "
| |
|
منتصر (ودشاهين الجميعابي) مدير عام (أول)
عدد الرسائل : 580 العمر : 43 محل الاقامه : الشهيناب المدينة - القرية : الشهيناب تاريخ التسجيل : 01/04/2009
| موضوع: رد: لوكنت .. سودانيا أو مصرياً .. بقلم: أسماء الحسيني (رايكم شنو) الثلاثاء مايو 18, 2010 3:32 pm | |
| والله بالرغم انا دا حقيقة فينا بس مابنعترف بيها .. بس برضو فينا الناس الهميمين.. وزي ما قالو ايد البدري . قومي بدر ي الخ..... | |
|
فضل الله احمد مدير عام (أول)
عدد الرسائل : 662 العمر : 66 محل الاقامه : Oslo - Norway المدينة - القرية : الشهيناب تاريخ التسجيل : 29/06/2011
| موضوع: رد: لوكنت .. سودانيا أو مصرياً .. بقلم: أسماء الحسيني (رايكم شنو) الثلاثاء أغسطس 30, 2011 10:22 pm | |
| و الله حاجة جميلة شديد و هو نقد موضوعي و بصورة راقية و ظريفة و دمها خفيف لكنها تؤدي الى الهدف المنشود ٠و في الحقيقة غلب على طبع الإنسان ~ ليس السوداني فحسب ~ أن لا يقر و لا يعترف بعيوبه و لو كانت ظاهرة و باينة كالجبال الشامخات فهو يهون من أمرها و يراها بسيطة و صغيرة و على العكس فهو يضخم عيوب غيره و يراها كالجبال و لو كانت صغيرة ، و قليلون منّا من يقرون بعيوبهم و يسعون جادين لمعالجتها ، و في الأثر المرءُ مرآة أخيه و صديقي من أهدى إليّ عيوبي و صديقك من صَدقَك لامن صدَّقك ٠ لو طبقنا هذه الحكم في حياتنا لأختفى الكثير من العادات السيئة و الأفعال الصغيرة في شكلها و الكبيرة في موضمونها ، زي قصة أهل عباس الذين أتوا في حافلات و من غير ميعاد و حينها كان لا يملك ولو جنيهاً واحدا لشراء خبز له و لزوجته ٠ و الأشياء الصغيرة تكَوّن في مجموعها سلوك المجتمع بأكمله وتعكس نمط حياته للشعوب الأخرى و و السلوك المهذب و الراقي يساعد على الترابط و التبادل الثقافي بين المجتمعات المختلفة ٠ و الإسلام بحمد الله ما ترك شيئاً إلاّ و بينه لنا و على الأخص فيما يتعلق بآداب الزيارة و إحترام الوقت و الوفاء بالعهد و الإعتذار عند الخطأ و العفو أيضا إذا أخطأ معك أحد ما٠ | |
|