طفلة عربية فى امريكا شوفو ردها

طفلة عربية فى امريكا شوفو ردها

مدرسة في الصف الأول الابتدائي تشرح لتلاميذها عن كونها أمريكيه !

وتسال جميع التلاميذ أن يرفعوا أياديهم إلى الأعلى إن كانوا هم أيضا أمريكيين ,


لا يعرف الطلاب لماذا ولكنهم يريدون أن يكونوا كمدرستهم ,


فرفع الطلاب أيديهم جميعا مبتهجين ماعدا فتاه واحده اسمها سناء لم تشارك المجموعة !!


فسألتها مدرستها لماذا لم ترفعي يدك فقالت لأني لست أمريكية ؟


فسألتها المدرسة
إذن من أنت ؟


فأجابت سناء بفخر أنا عربية
شعرت المدرسة بالقلق واحمر وجهها فسألتها لماذا أنت عربية ؟
فقالت سناء أمي عربية وأبي عربي إذن أنا عربية .


غضبت المدرسة وقالت إن هذا ليس سببا وجيها فلو كانت أمك بلهاء ووالدك إبله فماذا ستكونين ؟

ابتسمت سناء وردت ......وبكل هدؤ ...اذن ساكون امريكية

وشوفو كمان رد الرباطابى ده

رباطابي ماشاء الله عليهو صلاي جد .
حبوبته تسأله ؟
يامحمد العلامة الفوق جبهتك دى بتاعة الصلاة .
قال ليها : لا ياحبوببتي أصلوا البلوثوث بتاعي نسيتو فاتح .

وشوفو رد الدجاجة للديك
دى هدية منى لابن اختنا فضل الله محمد سليمان

-
قال الديك للدجاجة : يا هبلة انتي تبيضي البيض والناس ياكلوه , تستفيدي شنو ؟
الدجاجة : عاجبني إنت البتأذن وما بتصلي

-مسطول بيكره الحكومة ماشي في الشارع ومعاهو صاحبو !! قال لي صاحبو:الله يقطع الثوره وسنينها ......فجأه اتلفت لقي وراهو عسكري....قال ليهوخصوصاً الحاره الثلاثين بتاعت ناس سيف الدين

ها ها ها ما أحلاها من نكات وهاكم هذه : واحد رباطابي وجارو مثلو كمان اتوفى أبو الأول وطبعا جارو مفروض يكون أول القاعدين والمستقبلين لناس العزاء لكن صاحنا ينوم للضحى وبقوم يلف عمتو ويمرق وصحبنا يعاين وما بقدر بتكلم ويقول اسبر ( اصبر ) يامحمد صالح قام مات ابو الثاني طبعا صاحبنا لقا فرصتو يمرق كاشخ ومظبط نفسو مرة مرتين قام داك زعلان سألو انت ياأبو صالح ما عارف ابوي ميت ولا شنو .... قام قال ليهووانت نحن اللي دفناهو قبل شهر دا كان كيبل .....

ابن الاخت العزيز ...كيف حالك والله مشتاقين

والنكته حلو

لو كان ن جماعتا كان مشى وشال الفاتحة وقال ليهو نزل ايدك الفاتحة مى ليك

وهاك دى
بخيل راح يزور امه فى المستشفى
لقى مكتوب على الباب (ادفع)
قال ربنا يشفيها
ابقى اشوفها لما ترجع البيت

والله ضحكتني وذكرتني اللي قال لصاحبو الكان عايز مرق أبوه من البخر قبال مايغطس أتاريك أنت الكتلت ابوي وطبعا أبوه كان بخيل لدرجة قف ، فبدل ماتقول لأبوي هاك إيدي تقول ليهو جيب يدك

و الله ما شاء الله روح النكتة ما زالت فيكم راسخة و حية ، و لكن رغم ذلك أنشرح صدري و عجبتني النكات فهي حلوة شديد و ظريفة و انبسطت منها شديد ٠٠٠ و كانت لنا شلة ظريفة في بحري لا تفتر من توزيع الفرح يوميا على الشباب ٠٠ حليل أيام زمان أيام صفاء النفوس و نقاء القلوب و طاهرة اليد و الوفاء النادر٠٠٠

هل لا زال في القلب متسع للضحك و المرح ، أم أن مشاغل الحياة و اللهث وراء لقمة العيش لم تترك للإنسان مجالا للفرح و المرح ، الواحد يطلع من البيت مكشر و يجئ للبيت راجع مكشر ٠

تشكر الاخ فضل الله
نحن فى السودان تبقى علينا سخانه جو وسخانة جيب وكمان تكشيره وعليها كمان فاتحة فى فقيد او عزيز اسبوعيا .
فلازم شويه نروح عن انفسنا فى بعض الاوقات .
فرسولنا الكريم قال (روحى عن انفسكم ساعة بعدساعة ان القلوب اذا كلت ملت ) صدق رسول الله .


هاك دى
مصرى قالوا ليهو السودنيين بقوا اصحاب نكتة
رد قال : جاعوا اولاد الايه

صدقت يا ابو البراء ، فعلاً سخانة في الجو و سخانة في الجيب و كترة فواتح ٠ معاها تكشيرة تبقى صعبة كتير ، لازم على الإنسان يروح عن نفسو شوية و رغم كل الحاصل ٠

احكى ليك طرفة حدثت معاى من كترة الفواتح
فقد اصبحت معظم مشاويرنا الى المنطقة ان لم تكن كلها للمشاركة فى تشيع جثمان او لفاتحة وفى بعض الاحيان يكونن اثنين او ثلاثة (توفيق ساكت)
المهم مرة ماشين لمناسبة فرح (زواج احد الاخوة الاعزاء)
ولمن نزلنا من الشارع ونحن خاشين على الحلة سرحنا شويه
فحبيت احرك الصمت شوية بالسؤال عن مكان المناسبة
فسألت الوالد دون ان اشعر : انت ياحاج الجماعة ديل بكونو فارشين وين؟؟

و الله ظريفة شديد يا باشمهندس ، و تخيلت ماذا رد عليك الأخ الهادي ٠

لك التحيه والود الاخ فضل الله
ونرجوا من الله العلى العزيز ان يجعل الابتسامة دائما على وجه اهلنا.
(دى مابتبقى الا البطاطس سعرها يزيد واستهلاكها يكتر )