شعراء الجميعاب الشاعر احمد على سعد

الشاعر احمد على سعد
شاعر من شعراء الجميعاب الفحول مالك لناصية الابداع لديه الكثير من القصائد التى تتفاعل ووجدان الشعب السودانى عامة والمجتمع الجميعابى عامة .
يمتاز شعرة بقوة البيان وقوة الوصف ودقته ونتوع الشعر (رثاء وهجو ورياضى واجتماعى وسياسى )
يقول الشعر بالعامية على طريقة الرباعيات الطويلة والقصيرة والمسادير .
بالاضافة لشعر المناسبات
انشاءالله سوف ننشر لكم فى هذه المساحة جميع اشعاره التى تحصلنا عليها تباعاً
ونحاول ان نجمع المتبقى وننشره باذن الله

لك الشكر كله على التوثيق الجيد لهؤلاء الرائعين ونرجوا ان نرى اشعار الجد احمد على فهو شاعر متمكن وله باع كبير فى شعر الرباعيات لكن قلة الاعلام وطبيعة شعراء الجميعاب الذين يجعلون موهبة الشعر عندهم فى درجة الثانية بعد العمل ولايمتهنون الشعر ودى جعاتهم اصحاب عزة لكن اضاعت علينا الكثير من الشعر والشعراء .

مشكور ودالبدوى على المرور وانشاءالله نسجل معظم اشعار احمد على ودسعد
وشعر عندنا موهبة يظلمها صاحبها ان لم يجمع مايقول ويعرضةوينشره .

مشكور جداً منتصر وانت تفتتح لنا اشعار الجد احمد على سعد
وانا من زمان منتظرك لقص شريط هذا البوست (عشان الصلاة بقدموله سيد البيت)
ولك الشكر وانت تبدأ باخر قصيدة لشاعرنا الهمام .
ولأهل المنتدى اوضح ان الشاعر احمد على هو عم منتصر ودشاهين الجميعابى .

رداً على اوكامبو[u]

هذه القصيدةنظمها الشاعر احمد على سعد فى العام 2010 يرد فيها على اوكامبو وينصر فيها الرئيس عمر حسن احمد البشير .
تم مشر هذه القصيدة فى مجلة البرية التى تصدر عن ادارة التوجيه المعنوى بالقوات البرية

القصيدة رداً على اوكامبو
الشاعر احمد على سعد


اهلاً بالرئيس القائد المنصور
أسد افريقيا عمر اللى بلاد مدخور
قول لأمريكا والدول البتحكم جور
أنحنا برانا البنحل مشكلة دارفور

حباب ودالبشير ورفاقه الابرار
مرحب بى البلاقوا الحارة ويخوضوا النار
وأهلاً بالضيوف والقادة والزوار
نفوسكم عالية أقدامكم شرف للدار

يادوب يابلد جوك البقودوا سفينتك
يادوب يابلد جوك البضووا مدينتك
يادوب يابلد جوك البتموا خزينتك
يادوب يابلد جوك البفشوا غبينتك

منوالغيركم جلس لتحلحل الإشكال
منوالغيركم بمر اتفقد الأحوال
منوالغيركم البجند للملاقى رجال
منوالغيركم بقابل المدفع الندال

الأمريكى والبرطانى تقوا للغاية
غارهن السلاح والقنبلة الدواية
صرح بوش وقال ضرب العراق مو كفاية
قصدى المسلمين والدين وأدلى الراية

زمان المهدى جاهد بنظام ودراية
جهاد لله فوق من الله عندو حماية
الكافر اللئم القال بدلى الرأية
جوهو الانصار وشالوا راسوا فى مخلاية

هدهى البقعة امنة الليلة بى انصارة
أهل المعركة البتالبن صغارة
زمان المهدى طيعن انجليز ونصارة
والموت المدمر منو مابنضارة

الموت واحد والرب واحد
والحى كلو ميت إلا الواحد
نأخد البيعة من ودالبشير ونعاهد
وفوق سودانا كيفن مابنموت ونجاهد

الإسرائيلى يضرب فى فلسطين والعرب فراجه
ساكتين ساهى والازمة قاسى علاجه
داب امريكا تحكم فى الدول بمزاجه
سلام مايبقى بين عربى وخواجه

الإسرائلى يضرب فلسطين ومن العرب مو هام
غاروا سلاحوا قائل نفسوا مابنضام
بقى فاقد البصادم ويقابلوا من قدام
صدام مات وكل المساهر نام

فلسطين تبكى مغبونة وتلولح راسه
بقت فاقدة البهز فوقه ويفش امغاسه
مى دايراله دواء وعلاج ومؤن واغاثه
بتدور تارة فى طالبة انجدع كراسه

ناس دارفور رجال أولاد عم أشقاء
بندور سلام بس لاحرب لاحجة
وفى دارفور بطل فى زمنوا بحراً لجة
مات فوق وطنوا ثابت لا إتلفت لا لجة

بقول لى اوكامبو المابتقدروا ماتقلوا
وماتحاول المحال خلى الجبل فى محلوا
عمر ودالبشير محله بقراروا مابقبلوا
تياركهرباء إن مسيتوا يضرب كلوا

بقول لى اوكامبو مابتقدر تحكموا تسوقوا
ان كفرت بالصنم البتعبد فوقوا
اكان بساسة واكان بقوة تسوقوا
مد حبل الصراط فى الهاوية واقدل فوقوا

بقول لى اكامبو قرارك مالو مانفذتوا
إتحداك عمر سافر بعد حذرتوا
فى التلفاز وإنترنت وصحف نشرتوا
وفى دول الخليج الأمراء جدعوا ورقتوا

بقول لى اوكامبو اللئيم الكافر الملعون
قرارك موصوا أشربوا كركدى وليمون
ماك كلب يهود بنى صهيون حليف شارون
مولود غير عقد لا فاتحة لا مأذون

شرق وغرب جنوب وشمال عمر محبوب
وسافر الدوحة حضر القمة طلق مابعث مندوب
بقول لى اوكلمبو وينو قرارك المكذوب
عمر ختاهوا تحت وداسو بالمركوب

بقول لى اوكامبو المابتقدروا ماتصارعوا
وفى السودان القياس عابروا وضارعوا
شعاروا وإسموا فى كل الولايات زارعوا

بقول لى اوكامبو ماتسيلك دعاية وجوطة
كضاب ساهى هسع ان ولعت بتفوته
وكت تصدق غسوده ويزغردن بنوتة
ات قايل كاسه هين تشلوا من فد شوتة

سافر قطر حضر القمة كوى أعداهوا
يقدل فوقن ومتوكل على مولاهوا
الفايت الحدود بالجزمة إتوطاهوا
والخشم البلامض خيتوا وسداهوا

سافر الدوحة حضر القمة عاد سيدالبلد والساحة
وقاد البلد مليون ميل عبار ومساحة
البرق البجيب الصاقعة والكتاحة
والشمة البتشيل نص النهار تمساحة

هدهى المشكلة البعض الرجال بتخافة
وهى البجرب الصنديد من الرجافة
ديل سودانية فايتين الرجالة مسافة
من زمن السيف بشل الفقرة من اكتافة

أبواتك تلوباً كلهن فراس
سوادنية داقين فى المدينة اساس
زمن السيف مطرق والحصان برجاس
خلوا الجتة ترفس غادى من الراس

عمر البشير سودانى اصيل وقلبوا أصم
قرار اوكامبو ماشايل منو ذرة هم
متوكل علىمجرى السحاب والدم
مو عارف الفانية.. .اياموا فاضلات كم

أنحنا فى عزنا جميعاب
متحدين قوى ومابننفصل احزاب
كيف الزول يخاف ..والزول عاقبتوا تراب
خلف القائد نقيف للبخشوا اغراب

الجميعاب تأيد بى اهتمام وحرارة
ومن أجلك تسل سيفة وتهز فى الدارة
ونحن بندخل الحارة المولعة نارة
ونحن نقيف نقابل القنبلة الدمارة